Истражувањето на сингапурски експерти покажало дека недостатокот на сон влијае за брзо стареење на мозокот...



Возрасните луѓе што спијат малку имаат голем ризик од предвремено стареење на мозокот, а постои и опасност од добивање ан деменција и останатите болести со губење на памтењето, како што е на пример Алцхајмерова болест.

Научниците две години ги проучувале навиките за спиење на испитаниците. За време на истражувањето им го снимале мозокот со магнетна резонанца и откриле дека кај испитаниците што спиеле помалку, мозокот побргу се намалувал, што е знак на стареење.

Како параметар за доволно спиење се земал периодот од 6 часа дневно, при што експертите укажале дека проблемот може да биде во тоа што луѓето со текот на годините имаат се помала потреба за сон.