Водата со вкус која има за задача да го одржува вашето тело витално е всушност преполна со вештачки засладувачи кои му штетат на организмот...



Доколку сте од оние на кои вкусот на обична вода не им е убав, а сакате да уживате во витамински освежувачките пијалоци, ви го нудиме рецептот за домашна вода, за која посебно ќе ви бидат благодарни вашите органи за варење и стомакот.

Состојки:  

- 2 литри вода
- 1 лажица свежо рендан ѓумбир
- 1 краставица со средна големина
- 1 лимон
- 12 лисја од нане

Подготовка:

Краставицата и лимонот насечкајте ги на парчиња, а доколку плодовите ви се домашни искористете ги заедно со кората. Ставете ги насечкани во тегла о додадете ги останатите состојки, па ставете вода. Сето ова ставете го во фрижидер да стои 8 часа, а во меѓувреме размешувајте ја смесата во теглата. Состојките во домашната витаминска вода имаат посебно и позитивно влијание врз стомакот, затоа што го смируваат варењето на храната и го ослободуваат телото од токсини.

Лимонот со изобилство од витамин Ц ја подобрува работата на црниот дроб, кој е одговорен за прочистување на организмот.