Кога на телото му се потребни витамини и минерали во овие топли денови спас се енергетските пијалоци...



Една таква комбинација од овошја и зеленчуци ќе ве освежи, ќе ве засити и ќе ги исфрли насобраните токсини од вашето тело.

За време на подготвувањето на освежувачките пијалоци, важно е да се измешаат намирниците кои ќе го дадат својот максимум. Со оваа мешавина ќе бидете обезбедени со железо, влакна, калиум, магнезиум, фолна киселина и витамин А, Б1, Б6, со кои ќе го разбудите вашето исцрпено тело.

Состојки:

- 3 раце свеж спанаќ
- 1 чаша јагоди или малини
- 1 краставица (ако е домашна, задолжително искористете ја кората)
- сок од еден портокал или сок од половина лимон
- свежи лисја од нане

Подготовка:

Исчистете ги овошјето и зеленчукот под силен млаз на вода, а потоа во блендерот додадете ги сите состојки освен сокот од лимон или портокал и листовите од мента. Размешајте го сето тоа додека смесата не стане течна, додадете сок од цитрус и сето тоа ставете го во чаша. По желба додадете листенца од мента и коцкички од лед.

Овој здрав пијалок најдобро е да го пиете за ужина.