Кога работите многу на вашиот мозок му е потребно „гориво“ за да може да продолжи да функционира ефикасно...



Еден од најдобрите начини за да засладите нешто избегнувајќи шеќери, се вкусните урми. Овие плочки ќе ви ја обезбедат потребната енергија за учење и работа, кои се полни со здрави јаглени хидрати.

Потребно:

- 1 полна чаша урми без коски,
- 1/4 чаша мед,
- 1/4 чаша путер од кикирики,
- 1 чаша печени бадеми,
- 1.5 чаши овесни снегулки

Подготовка:

Ставете ги урмите во вода 10 минути. Рерната загрејте ја на 180 степени, па овесните снегулки испечете ги 15 минути (опционално). Извадете ги урмите од вода и убаво сомелете ги во блендер, или пак можете да додадете друго суво овошје по избор. Снегулките, бадемите и сомелените урми ставете ги во еден сад, а медот, путерот и кикириките ставете ги на рингла да се спојат убаво во една смеса. Потоа додадете го ова во сувите состојки, сето тоа убаво измешајте го и ставете го во помала тепсија. Оставете да отстои така 20 минути во смрзнувач и покријте го со фолија, а потоа сечете и уживајте во плочките.