Сосема очекувано беше дека кога Анџелина Џоли ќе ги отстрани двете дојки, значително ќе се зголеми бројот на жени кои ќе го направат истото...



Лекарите тврдат дека тоа е претерана терапија и дека е погрешно да се прави ваква операција ако не постојат генетски предиспозиции за истото. Околу 12.5% од популацијата има слични ризични предиспозиции како Анџелина, додека пак новите истражувања покажуваат дека околу 2/3 од жените што ги отстраниле двете дојки всушност и не морале тоа да го прават.

„Жените што немаат семејна историја со оваа болест не треба да ги отстрануваат здравите дојки“, изјавила докторката од Универзитетот во Мичиген.

Само 10% од жените имаат генетска предиспозиција, кои имале дијагностициран рак на дојка. Оваа процедура повлекува друг ризик - потенцијални психолошко-сексуални проблеми.

„Двојната мастектомија не треба да биде рутински зафат кој тукутака им се нуди на жените, со цел да не се разболат од рак на дојка. Само за оние што имаат семејна историја од оваа болест би било корисно да го направат овој хируршки зафат. Сите жени што се загрижени поради можностите од добивање на рак на дојка би требало да се консултираат со својот лекар и да добијат детални информации за ризиците и лекувањето на оваа болест“, додава истата докторка.