Главоболката е најчестата незгодна појава, која може многу лесно да не извади од такт...



Причините и интензитетот на болката се многу различни. Пред да посегнете по таблетка, обидете се со овие три ефикасни трикови, за кои ви е потребна само една минута.

Молив

Кога сме нервозни, напнати и под стрес, несвесно ги стискаме забите, со што го активираме мускулот што ги поврзува вилицата и слепоочницата, што резултира со главоболка.

За да спречите главоболка, земете молив и гризете го. Тоа ќе го оневозможи активирањето на мускулот и го опушта, па така се спречува болката.

Мента

Ако имате проблем со воспаление на синуси и алергии, измасирајте го челото со етерично масло од мента. На дланката ставете малку маслиново масло и неколку капки етерично масло, измешајте со прстот и ставете од ова на челото и областа околу синусите. Со нежни и кружни движења на слепоочницата масирајте го лицето околу минутка, а по желба и повеќе.

Акупресура

Акупресурата е древна техника, која со помош на одредени точки на телото може да намали или да уништи многу потешкотии. Пронајдете го местото на горниот дел на дланката, каде се прекрстуваат коските на палецот и показалецот. Притиснете го ова место и со многу бавни движења (3-4 кругови во минута) масирајте го една минута или повеќе.