Обично пиеме повеќе сок, отколку што јадеме овошје, па затоа сакаме да ви го дадеме овој едноставен и вкусен рецепт...



Овој рецепт со вкусното овошје не само што ќе ви се допадни, туку и ќе ве засити. Станува збор за пијалок направен од три видови овошја, кој ќе ве освежи и нахрани, а на вашето тело ќе му ги даде потребните витамини, минерали и влакна.

Јагодата е моќен антиоксиданс, кој ги заштитува клетките од штетните напаѓачи. Бананата е преполна со калиум, магнезиум, калциум, железо, цинк, која ја подигнува енергијата, уништувајќи ја гладта. Портокалот е сочно и ароматично овошје полно со витамини, најмногу со витамин Ц, а потоа и калиум, калциум, магнезиум, фолат, тиамин, рибофлавин и пантотенска киселина.

Состојки:

- 1 чаша сок свеж портокал
- 8-10 јагоди средна големина
- 1 банана
- неколку коцки лед

Подготовка:

- Исчистете и измијте го овошјето, а бананата излупете ја и исечете ја на парчиња;
- Ставете ги состојките во блендер и додадете лед;
- Убаво измиксајте и послужете веднаш;
- Испијте го пијалокот за доручек или како ужина.