Не е доволно ако купувате специјални креми за лице за вашата кожа да изгледа убава и затегната, многу поважно е она што го внесувате во организмот...



Затоа ние ви го предлагаме овој рецепт за вкусни мафини со банани и чоколадо.

Потребно:

- 1.5 шолја ореви
- 1.5 шолја брашно
- 3/4 шолји црно чоколадо
- 1 прашок за пециво
- 1/2 лажичка цимет
- 0.5 лажичка сол
- 0.5 лажичка кафеав шеќер
- 1/4 шолја стопено кокосово масло
- 1/4 шолја кисело млеко
- 1 поголемо јајце
- 1 зрела банана
- 1 лажичка екстракт од ванила

Подготовка:

И слатките можат да бидат здрави ако правилно се подготвуваат и ако се јадат во умерени количини. Бананата убаво згмечете ја со вилушка, можете да додадете и малку млеко за да добиете каша. Оревите сомелете ги во блендер, но оставете и на страна малку исецкани ореви за декорирање. Сите суви состојки (ореви, брашно, прашок за пециво, исецкано чоколадо, цимет, сол, шеќер) измешајте ги во една чинија, а сите „влажни“ во друга чинија, заедно со кашата од банана. Размешајте ги потоа двете смеси и со тоа наполнете ги калапите, односно корпичките за мафини. На секој мафин ставете одозгора малку оревчиња, па испечете ги на 180 степени околу 15 минути.