Мајчиното млеко е најдобрата и најздравата храна за детето и потребно е да се поттикнува на цицање првите 4-6 месеци од животот...



Здравите бебиња не треба дополнително да пијат вода кога се дојат, затоа што мајчиното млеко ја обезбедува потребната количина на течности. Од 5 - 6-ти месец. Кога ќе почне детето да јаде и тврда храна со доењето, ќе можете да почнете со давање на вода.

Водата е првата течност која со мајчиното млеко и млечниот оброк треба да се понуди на бебето. Може да се користи вода од чешма, која претходно треба да се свари, а има и флаширани води специјално наменети за доенчето, како и за мешање со кашички за бебиња.

Педијатрите укажуваат на тоа дека флашираната вода е добра за подготовка на млечни кашички и строго е контролирана за да не мора да ја варите.