МЕНИ

Средствата за дезинфекција можат да поттигнат некои врсти на бактерии да станат отпорни на антибиотици дури и ако не се изложени на тие бактерии. Истражувајќи го однесувањето на бактериите изложени на дезинфекции, ирските микробиолози откриле дека големи количини средства за дезинфекција, кои ги додавале на лабораториските бактерии од типот "pseudomonas aeruginosa", ги потикнале на овие бактерии да станат отпорни не само на дезинфиценсот, туку и на антибиотикот ципрофлоксацин, иако не биле директно изложени.

Бактериите "научиле" како од дезинфиценсот или антибиотикот да ги исцрпат и уништат антимикробните агенси, и многу брзо развиле и мутација која им овозможила да станат отпорни на повеќето состојки во антибиотикот, тврди водачот на проектот д-р Жерар Флеминг. Бактеријата "Pseudomonas aeruginosa" најчесто го напаѓа организмот со намален имунитет и е многу честа кај луѓето кои веќе страдаат од други болести, па често се наоѓаат кај луѓето со ХИВ инфекции, кај луѓето кои страдаат од различни форми на рак, шеќерна болест или пациенти со тешки изгореници.

Болничкиот персонал со користење а средствата за дезинфекција се обидува да го намали износот на бактерии присутни во просториите на болницата, но резултатите од истражувањата укажуваат на тоа дека бактериите развиле отпорност и може да претставуваат сериозна закана за пациентите на кои, во случај на инфекција, антибиотикот нема да делува доволно силно.

Најгоре | Почетна