Ако сакате да личите на Ким Кардашиан и да се нашминкате како ѕвездата, оваа девојка ќе ви помогне во таа цел...



На својот YouTube канал со името „GlamBooth“ го објавила овој видео туторијал за шминкањето.

Со овие совети може буквално да се трансформира секаков облик на лице и да се поправат контурите на носот, да се истакнат образите и да се отстранат сите недостатоци.



„Прво ја нанесувате светлата пудра под очите, на врвот на носот и челото. Ако имате мало чело ставете поголема количина на пудра, а ако имате високо чело ставете помалку“, вели шминкерката.

Кога ќе заврши нанесувањето на светлата пудра, се става темната пудра на рабовите на лицето, образите и на носот. Комбинацијата на светлата и темната шминка на носот го прави овој дел од лицето помал и подефиниран.



За крај останува уште малку светла пудра за пределот околу очите, образите и брадата, нанесување на сенка, руж и маскара.

Комбинацијата од различни пудри воопшто не изгледа вештачки, туку напротив, се добива впечатлив природен изглед.