Веројатно повеќето од нас се изморија од зимата, поради студот и покркатките денови...

Бидејќи не можете ништо да направите кога станува збор времето, но сепак можете да го подобрите вашето расположение и да го намалите стресот, така што ќе го промените вашиот дневен распоред.



07:00 Станете и медитирајте

Истражувањата покажуваат дека практикувањето 10-минутна јога ја подобрува менталната и психолошката состојба и делува одлично за превенција од анксиозност, бес, депресија и раздразливост.



07:30 Направете си омлет

Јајца на око или кајгана, ќе ви помогнат да се наполните со енергија и да бидете нахранети до ручеток, бидејќи се богати со протеини и витамин Б12.



10:30 Исправете се

Можеби звучи бесмислено, меѓутоа вашата (не)исправеност може значително да влијае врз вашите емоции.



13:00 Ресетирајте се

Пренасочете ги малку мислите така што ќе гледате фотографии од природа или цвеќиња на компјутерот. Овој метод е познат како теорија за подобрување на способноста за фокусирање на нашиот мозок, бидејќи на овој начин се одмара на кратко време.



15:00 Измасирајте се

Со масирањето се намалува болката, стресот и се подобрува расположението. Направете си сами брза масажа во канцеларија, соблечете ги чевлите и истријте си ја тениската топка на горниот дел од стапалата. Класичната масажа на раката може исто така да биде високо ефективна.



16:30 Освежете го здивот

Џвакајте мастика кога ќе ве зафати попладневниот стрес и така подигнете ја ефикасноста во работата. Луѓето што џвакаат мастика го намалуваат нивото на кортизол - хормон за стрес и имаат за 67% поголема ефикасност во работата, покажуваат истражувања. Се верува дека џвакањето мастика ја подобрува циркулацијата на крвта и нејзиниот доток во мозокот.



19:00 Јадете морска храна

Ако јадете храна богата со омега-3 масни киселини ќе ги намалите симптомите на депресија за речиси 50%, а харингата и лососот се одличен извор на омега-3.



20:30 Гледајте се во очи

Лачењето на хормонот за поврзаност - окситоцин, се поврзува со чувството за мир и доверба, како и намалување на стресот, а за неговото лачење е потребно да се бакнувате, галите и прегрнувате со саканата личност, како и со гледање очи-во-очи.



22:00 Водете љубов

Веруваме дека нема потреба да објаснуваме за сексот, бидејќи добро познато е дека тој секогаш значително го подобрува човечкото расположение.