Конзумацијата на марихуана за време на бременост може да го оштети развојот на мозокот на фетусот, објавуваат истражувачите од Институтот на Каролина во Стокхолм...



Експериментите спроведени кај животни и примероци од ткиво од мозок на човечки фетус, покажува дека THC, активната состојка на марихуаната, може преку протеинот наречен SCG10 негативно да влијае врз формирањето на врските помеѓу невроните во церебралниот кортекс.

Поточно, се работи за дел од мозокот, кој е од клучно значење за формирање на памтењето и повеќе мисловни процеси.

Списанието Embo пишува дека овој ефект од марихуаната може да стане видлив во периодот на зрелоста.

Претходните истражувања пак покажуваат дека конзумирањето на марихуана за верме на бременоста, резултира со зголемен ризик за психијатриски пореметувања и когнитивни проблеми кај децата.