Постои голема дилема што е подобро за нашето здравје - туширањето или бањањето...



Иако бањата е за опуштање, многу експерти ќе се согласат дека туширањето е секогаш подобар избор од киснење во вода, каде пливаат сите валканици од нашето тело.

Жените кои наместо туширање, попрво се одлучуваат за купка во када, почесто заболуваат од вагинална инфекција, како и инфекции на уринарниот тракт.

Имено, бактериите од водата додека се бањаме многу полесно влегуваат во уринарниот тракт и предизвикуваат инфекции и габични заболувања.

Лекарите препорачуваат секојдневна хигиена со туширање, особено за време на „оние денови во месецот“, кога интимната област на жените мора да се одржува чиста, што значи борба против различни инфекции.

Бањањето може да ја оштети и чувствителната кожа, особено кога се користат козметички производи (пена за купка), кои предизвикуваат иритација на кожата. Исто така, премногу топлите купки можат да бидат многу опасни за здравјето, особено за хронично болните.

Освен тоа, туширањето е и еколошки повеќе прифатливо - со туширањето се трошат 30-80 литри вода, а за бања се потребни дури 150 - 200 литри.