Во првото истражување од овој вид, истражувачите од Универзитетот во Мериленд анализирале резултати од 31.634 трансплантации на срце...

Резултатите покажале дека на мажот што ќе му биде трансплантирано срце од жена, има за 32% поголем ризик од смрт, во рок од една година после операцијата.

„Трансплантацијата е често единствена опција за некои луѓе да преживеат. Меѓутоа, мажите што добиле женски срца имаат големи шанси да не живеат со него долго“, вели авторот на истражувањето, д-р Роберт М. Рид.

Моменталната практика при барање на донатори е да се исполнат критериумите како што се пол, висина, тежина и возраст. Се зема во предвид и физичката оддалеченост помеѓу донаторот и примателот, бидејќи срцето не смее да биде надвор од телото повеќе од 4-5 часа. Сепак, често се случува голем број на овие критериуми не биде исполнет, но сепак трансплантацијата на срце е единствената опција за лицето да преживее.

Проблемот не е во тоа што срцето на жената нема да чука во телото на мажот, туку во неговата големина. Срцето на жените е помало и нема да функционира подеднакво добро во поголемо тело. Уште поважна е големината на срцето, отколку полот на донаторот. Ова истражување за трансплантација е објавено во списанието „Heart Failure Today“.