Исхраната со висок процент на масти во текот на бременоста може да влијае врз развојот на мозокот на фетусот, со што се зголемува ризикот за здебелување на децата...



Американските научници објавиле во списанието "Cell" дека новите сознанија можат да објаснат зошто децата на дебелите родители најчесто имаат прекумерна тежина.

Според нивните зборови, истражувањето покажува дека исхраната со висок процент на масти во текот на бременоста е поврзана со промената во структурата на хипоталамусот кај потомството. Инаку, хипоталамусот е вклучен во регулирањето на метаболизмот, а овие промени резултирале со зголемување на шансите за дебелина и развој на дијабетес од тип 2.