Парче лимон може да го освежи и да го подобри вкусот на пијалокот, но сепак многу е веројатно дека ќе внесете и мноштво непожелни микроорганизми...



Во големо истражување детално се прегледани кората и средината на 76 лимони. Парчињата од лимони биле собрани од 43 посети во 21 ресторан.

Резултати? Дури 70% од примероците во внатрешноста содржат микроби!

Примероците се собрани откако бил послужен пијалокот, пред пиење или друг физички контакт, меѓутоа, за потеклото на микробите научниците можеле само да шпекулираат дали потекнуваат од ресторанот, од контаминација, или од некоја друга причина (транспорт на пример).

„Иако е познато дека лимонот има некои антимикробни својства, резултатите покажаа дека голем број на микроорганизми можат да преживеат дури и во сецкани лимони, а сопствениците на рестораните и кафулињата треба да бидат свесни дека со лимон во чаша ставаат потенцијално патогени микроорганизми“, се наведува во соопштението од истражувањето.