Слабите жени веќе не се во мода, туку оние што имаат силни мускули, барем така е на Instagram...



Новиот тренд со споделување на слики од секојдневниот живот ни овозможи да видиме и поинакви жени, кои се во совршена физичка состојба, а повеќето од нив се боди-билдерки и лични тренери.



Додека многу жени се инспирираат од фотографии на девојки кои го посветуваат животот на фитнес, изненадувачки е што голем број на мажи се исто така нивни обожаватели, кои коментираат за нивните слики дека претставуваат совршен начин за комбинација од сила и сексапил.

Една од најпопуларните девојки е Масиел Аријас (24), личен тренер и редовен натпреварувач на фитнес натпревари. Таа секојдневно објавува слики на нејзиниот Instagram профил, со наслов "Mankofit", каде има 965.000 следбеници. Масиел почнала да вежба кога имала само 50 килограми, бидејќи била во депресија поради премногу слабо тело.



„Пред 1 година и 7 месеци бев слаба, тенка и депресивна. Никогаш не сум се чувствувала полошо“, рекла Масиел.

Таа сега има 66 килограми и вели дека силата и овозможила да прави работи кои порано не можела ниту да ги замисли.