Постојат многу начини за да провериме колку сме здрави, од холестерол до индекс на телесна маса...



Научниците откриле нов уред, кој за неколку секунди може да ја измери староста на вашиот организам, врз основа на фактор наречен AGE (на македонски означува „старост“), кратенка од Advanced Glycation End-products.

Тоа е соединение што може значително да го забрза стареењето, а настанува кога готвиме храна на многу високи температури, како последица од реакцијата на јаглехидратите, протеините и мастите. Компанијата што го открила овој уред, тврди дека AGE е важен исто како и холестеролот и крвниот притисок, бидејќи секој мора да знае колку од овие „отрови“ има во крвта.

Нашето тело го апсорбира AGE преку храната, кој со поголеми количини може да предизвика брчки и вишок на кожа, бидејќи ги оштетува колагенот и еластинот.

Како може да се намали нивото на ова соединение во телото? Со промени во животните навики, пред се оние во кујната. Пржењето, печењето и варењето на храната на високи температури создава повеќе AGE, отколку за време на подготовка на пареа, динстање и варење на пониски температури. Во суштина, кога е поголема температурата и кога подолго термички се обработува храната, тогаш е нездрава.

Од овие соединенија зависи образувањето на нашиот организам, затоа е многу важно и редовното вежбање. Ако успееме да согориме малку шеќери во крвта, тогаш ќе биде помал и нашиот AGE. Освен тоа, се препорачува и редовно спиење, избегнување на алкохол и цигари и намалување на стресот.