Алкохолот е трета водечка причина за нарушено здравје на луѓето, а како една од последиците од прекумерното пиење се јавува и депресијата, која е поизразена за време на празниците и после нив...



Луѓето што пијат големи количини на алкохол се од различни возрасти, социјална класа, животни навики, но, сите тие имаат заедничка желба за пиење, која ако не се контролира, води кон зависна болест.

Симптоми на депресија се јавуваат кај 40% од луѓето кои често консумираат алкохол, додека кај 5 - 10% од луѓето со проблем на депресија се јавува и алкохолизам како паралелна болест.

Самоубиствени идеи или обиди за самоубиство се случуваат во 10 % од случаите на депресија кај зависниците од алкохол, а се смета дека 20% од сите самоубиства се извршени од страна на алкохоличари.