Можеби мислите дека после сите овие години на рутина, миењето на косата не е некоја наука, но, проверете се, можеби правите сè погрешно...



Ако чувствувате дека вашата коса е наелектризирана, ако брзо се мрси или е кршлива, можеби треба да ја промените вашата рутина. Еве неколку совети.

1. Добро навлажнете ја косата пред да ставите шампон, а потоа добро измијте ја косата за да спречите натрупување од препаратите.

2. Не ја тапирајте косата на темето, бидејќи ќе ја измрсите и ќе се создадат јазли, а ќе ви се расцветуваат влакната кога ќе ја чешлате косата.

3. Бидете внимателни кон вашата коса и нежно масирајте ја на темето кога ќе ја шампонирате.

4. Не мора секогаш да ја шампонирате косата два пати, освен ако е премногу валкана.

5. Немојте да ја миете косата пречесто, се препорачува да не биде тоа повеќе од два пати неделно, бидејќи природното маслото што се наоѓа на вашето теме е всушност здраво за вашата коса.

6. Жените со кадрава, густа или сува коса треба почесто да користат балсами за коса, затоа што многу шампони содржат силни хемикалии, како што се сулфати, кои ја дехидрираат косата.