За многумина е проблем ако не ја измијат косата неколку дена, со шампон се разбира...



Меѓутоа, Жаклин Бер и Хана Брукс Олсен не го користат ова средство со години. Нивното искуство покажува дека немаме потреба од шампон.

„Мојата коса е навистина сјајна, расте побрзо и изгледа одлично“, рекла Хана Брукс Олсен, која не користи шампон веќе шест месеци.

Таа им препорачува на луѓето што одлучуваат да го фрлат шампонот, да се подготват за краток период, кога косата ќе им изгледа многу лошо поради исфрлање од употреба на ова средство.

Како што истакнала Хана тоа трае кратко време, а потоа косата станува блескава.

И Жаклин Бер одлучила да не си ја мие косата со шампон. Таа се одлучила на тоа поради опасните состојки што ги содржи шампонот. Со цел да избегне негативно дејство, оваа жена прво ги заменила обичните шампони со органски. Нивната употреба била премногу скапа, па затоа Жаклин се обидела да направи сопствено средство за миење на косата, со мешање на сода и јаболков оцет.

Ниту со ова решение не била задоволна. Одлучила да ја мие косата без ништо. Таа денес е задоволна со нејзиниот изглед и никогаш нема му се врати на шампонот.