Секој сака во претстојната 2014 година да биде поздрав, со здрава исхрана, да бидеме помалку под стрес и да заштедиме повеќе пари, но, сепак сето тоа некако излегува од контрола...



Главен виновник за ова може да биде недостатокот од сон. Ако добро и доволно спиете подобро ќе функционирате во текот на денот.

„Кај многу пациенти постои погрешно мислење дека им се доволни 4-5 часа дневно спиење. Сите знаеме колку е опасен недостатокот на сон“, вели д-р Ејлон Ејвидан, професор по неврологија и експерт за пореметување на спиењето.

Краткото спиење се поврзува со здебелувањето, но, се уште не е потврдено на кој начин недостатокот од сон влијае врз тоа, иако многу истражувања се занимавале со ова прашање.

Точно е дека луѓето кои спијат помалку, имаат повеќе време да јадат, остануваат до доцна во ноќта и често јадат нешто во тоа време. На тој начин внесуваат повеќе калории. Освен тоа, недостатокот на сон се чини дека го отвара апетитот, веројатно поради дисбаланс на хормоните што ја контролираат гладта. Во мало истражување од 2012 година, истражувачите откриле дека недостатокот на сон го зголемува нивото на грелин, која предизвикува глад кај мажите, а го намалува нивото на хормонот што го потиснува апетитот кај жените.