Ако сакате да одите со бебето на зимски одмор, само напред, не двоумете се...



Има неколку прашања што ги мачат младите родители, затоа сме ние тука да им помогнеме.

„Бебето можете слободно да го однесете на планина, само треба да знаете дека не се препорачуваат долги прошетки“, вели педијатарот Д-р Роза Бајиќ за српски "Блиц".

Ако температурата е над нулата, не дува ветар, времето е суво и без врнежи, можете да одите на прошетка. На бебињата до 3 месеци им е дозволено да одат надвор над прошетка од 15 минути, а оние постарите и до половина час.

„Ако е сончево и температурата е над 10 степени, не плашете се, можете да го прошетате бебето и до половина час“, вели Д-р Бајиќ.

Најдобро би било постепено да ги навикнувате на прошетки. Ова значи дека на првиот ден може да бидат 5 минути надвор, вториот ден 10 минути, а третиот и 15 минути.

„Се препорачува со бебето да прошетате по 1 километар во текот на денот, затоа што повеќе од тоа може да биде проблематично“, додава педијатарот.