Портокалот, во внатрешноста полн со бели влакна и исполнет со сочни сокови е совршен меѓуоброк, бидејќи е богат со минерали, витамин Ц и вода што не освежува...



Токму поради тоа се добредојдени овие наши добри сојузници со здравјето, на празничната трпеза богата со масни, слатки и солени деликатеси.

Моќни минерали

Освен витамин Ц, портокалите се богати и со калциум, калиум и магнезиум. Калциумот ги чува коските, а калиумот - нервниот систем и мускулното ткиво.

Идеално овошје за бремени жени и пушачи

Никотинот се уништува благодарение на витамин Ц. Ако на непушач му е потребен еден портокал за заштита од настинка, тогаш на пушачот му се потребни три. Портокалите се идеална храна за бремени жени, бидејќи се богати со фолна киселина, неопходни за развој на фетусот.

Висок процент на вода

Содржат висок процент на вода - 86 %, затоа го заситуваат телото. Изберете ги оние со помалку груба кора, бидејќи тие се повеќе сочни и послатки.

Лековита е внатрешната страна на кората

Флавоноидите се моќни антиоксиданси, кои најмногу ги има во внатрешниот дел од портокалот, односно, белиот дел од кората, кој го намалува ризикот од мозочен удар.

Сокот од портокал е најдобар

Од еден портокал се добива 90 мл сок, затоа 85% од портокалите во цел свет се преточуваат во сок.