Американците се воодушевени од новата книга "Осум-часовна диета: Гледајте како килограмите исчезнуваат, без разлика што јадете!"(The 8-Hour Diet: Watch the Pounds Disappear Without Watching What You Eat!)...



Авторите на книгата Дејвид Зинченко и Питер Мур ве уверуваат дека оваа диета навистина делува.

Она што ја прави оваа диета толку популарна е што ви дозволува да јадете што сакате, но, само во периодот од 9 до 17 часот. Авторите тврдат дека јадењето во вечерните часови и е најголем непријател на витката линија и најголема причина за многу болести.

Организмот не може да ја обработи храната што ја внесуваме доцна во денот, така што сите несакани масни наслаги се акумулираат на местата каде не треба, обично на задникот и стомакот. Оние што се придржуваат до осум-часовната диета, можат да ослабнат до 4 кг неделно, според авторите на книгата.

Оваа диета ви дозволува во даден период да јадете сешто, но, други нутриционисти тврдат дека не треба да се јаде сè, односно, треба да се избегнува нездрава - масна и брза храна.