Блескавата и здрава коса е најубав украс за добар и убав изглед...



Кога веќе зборуваме за коса, треба да знаете дека секој човек има околу 100.000 влакна. Се смета дека нормално секојдневно губиме 50 - 100 влакна. Ако забележите дека вашата коса опаѓа повеќе од вообичаено, треба да ги преиспитате своите животни навики и да ги побарате причините за тоа.

Еве 4 вообичаени причини за претерано опаѓање на косата.

СТРЕС

Стресот значително влијае на нашето здравје, а ваквата состојба може да предизвика губење на косата. Поради стрес косата расте побавно, го губи својот сјај и станува сува. Поради стресот се задржува натриумот (солите), кој може да се акумулира околу фоликулите на косата, предизвикувајќи намален пренос на хранливи материи до фоликулите.

ЛЕКОВИ

Цитостатици, витамин А, антидепресиви, хормони (тестостерон), лекови за намалување на мастите во крвта, одредени видови на лекови за висок крвен притисок, се причините поради кои може да се предизвика опаѓање на косата.

НЕДОСТАТОК НА МИНЕРАЛИ

Недостатокот од минерали во телото, како што се железото и цинкот, може да предизвика опаѓање на косата. Ова се случува најчесто кај жените во периодот пред менопаузата, а виновникот за кршлива коса може да се најде поради отсуството на витамин А. Добрата циркулација на крвта спречува опаѓање, а храната богата со железо ја стимулира циркулацијата.

ДИЕТИ

Диетите кои содржат правила за внесување на мали количества јаглени хидрати можат да влијаат за слаб квалитет на косата и нејзинотo опаѓање. Причината е недостаток на енергија и недоволно внесување на калории и шеќери. Можете да јадете протеини колку сакате, но, без енергија вашата коса ќе го изгуби својот квалитет.