Сите ја знаеме познатата фраза "стари сме онолку колку што се чувствуваме стари"...



Истражувачите тврдат дека ова би можело да биде вистина.

„Вашата вистинска возраст не е видлива според бројот на години што сте ги проживеале. Таа вклучува и карактеристики како што се општата здравствена состојба, когнитивната функција и инвалидитетот“, вели научникот Сергеј Шчербов.

Демографите традиционално се потпираат на бројот на години во нивните истражиувања, но, Шчербов и ко-авторот на истражувањето Ворен Сансерсон користеле биолошки карактеристики, со цел подобро да го разберат процесот на стареење.

Едно истражување од 2009 година, спроведено во Данска, покажало дека во случај на близнаци, тоа што некои од браќата и сестрите изгледаат помлади, не значи ништо.

Просечниот животен век во САД денес е 78,7 години, а пред 50 години бил околу 60 години за мажи и 70 години за жени.
 
„Луѓето што имаат 65 години ги сметаме за стари. А некој што има 65 години може да изгледа и до 20 години помлад. Стареењето е повеќедимензионална работа“, изјавил Шчербов.