Оревите го чуваат срцето, вели нутриционистката Милка Раичевиќ и советува да се јадат секој ден...



„Јаткастите плодови содржат добри масти, кои го намалуваат ризикот од мозочен удар и срцеви заболувања. Секој плод од овој вид има хранливи состојки, некои се побогати со витамини, а некои со омега масни киселини“, додава нутриционистката Раичевиќ.

Кикирики

Кикириките не спаѓаат во јаткасти плодови, но, сепак се богати со мононезаситени масти и се одличен извор на протеини.

Бадеми

Од сите јаткасти плодови, бадемот е најдобар извор на протеини, растителни влакна и витамин Е. Има многу калории, но, сепак се препорачува во секоја диета.

Орев

Најдобар антиоксидант, богат со растителни влакна, калциум, железо, цинк, витамин Б6... Имаат повеќе антиоксиданси од било кој друг јаткаст плод, корисен е и во борбата против рак.

Лешник

Богат со незаситени масти, многу е корисен за срцето. Ја подобрува и негува кожата, го намалува притисокот, а спречува деменција.