Дали можеби некогаш сте се запрашале дали цигарите се добри за здравјето...



„Пушењето им помага на луѓето за да работи нивниот ум побрзо и поефикасно. Со цигара меѓу забите мозокот подобро процесира информации, бара и наоѓа нови идеи и се опушта“, изјавил директорот на научниот сектор за производство на цигари, Дејвид О`Рил, за списанието „Sunday Times“.

После оваа изјава тој бил нападнат од сите страни.

За жал, сите други научници што се занимаваат со влијанието на никотинот врз здравјето на луѓето, не можат да се согласат со ова контроверзно тврдење.

„Да, до одреден степен точно е дека кај непушачите една цигара во моментот може да ја зголеми концентрацијата. Меѓутоа, овде станува збор за опасен наркотик, од кој човекот брзо станува зависен и многу штетен за дишните органи и целокупното здравје. Цигарите се толку лош наркотик, што пушачите често мораат да запалат само за да бидат во состојба да размислуваат и да функционираат нормално“, изјавил Џон Бритон, професор по епидемиологија на Универзитетот во Нотингем, коментирајќи го тврдењето на неговиот колега.