Што ќе се случи доколку нашата планета ја зафати нова смртоносна пандемија, која ќе биде лесно пренослива болест од човек на човек како птичји или свински грип...



Како ќе се шири заразата од точка до точка на земниот свет и има ли шанси некој да биде поштеден? Научниците сега ги имаат одговорите на овие прашања, а за жал нивните предвидувања се катастрофални.

Професорот по теоретска физика, Дирк Брокман развил современ компјутерски систем за предвидување на ширење на епидемија, во однос на точката на светот во која за првпат се појавила заразната болест.

Како што се гледа на видеата, заразувањето во денешно време најлесно се пренесува преку авионски и други видови на патнички сообраќај. Во светот има околу 4.000 меѓународни аеродроми и мрежа од околу 25.000 автопати и железнички пруги.

За ширењето на пандемија е потребно многу помалку време, отколку што тоа било потребно пред еден век, на пример во случајот со шпанската треска, смртоносен грип, кој „убивал“ цели популации.

Ако им веруваме на овие предвидувања, не постои агол во кој би можеле да се засолните за да се спасите од болести.

„Кога еднаш ќе тргне епидемијата, незапирлива е. Во современиот свет, каде сè е толку поврзано, веќе нема шанси некои географски точки да останат непокриени. Во наше време, физичката оддалеченост целосно ја загуби својата смисла“, објаснува Брокман.