За жал, луѓето го прескокнуваат појадокот, кој е најважен за здравјето на нашиот организам...



Поради утринското брзање никој не размислува за храна. Истражувањата сепак покажале дека појадокот треба да ни биде приоритет, а не избор.

Истражување со времетраење од две децении, го воделе нутриционисти од Австралија и било откриено дека луѓето што го прескокнауваат појадокот во детството, но и како возрасни, имаат поголем обем на половини. Одредени луѓе го прескокнуваат појадокот затоа што се убедени дека тие ќе внесат помалку калории, но, научниците упорно повторуваат дека кога го прескокнувате појадокот, го зголемувате ризикот од прејадување во текот на денот.

Луѓето што секојдневно појадуваат, во просек внесуваат околу 89 калории помалку, што се вкупно 32.485 калории годишно. Ако се уште немате мотив да појадувате, треба да знаете дека овој оброк ќе ги подобри вашите когнитивни функции и способноста за решавање на проблемите.

Добрата вест е што појадокот може да биде брз, здрав и прифатлив истовремено. На пример, јајцата не се скапи, а се хранливи, лесни за подготовка и здрави во умерени количини. Издвојте неколку минути повеќе во утринските часови и направете си појадок, бидејќи телото и умот ќе ви бидат многу благодарни.