Не ви требаат којзнае какви домашни рецепти за да се освежите...
Имате осум видови на растенија, кои се користат за природен начин на детоксикација. Чистењето ќе започне после пет дена, а колку повеќе ги конзумирате, толку подобро ќе се чувствувате.
ТУРМЕНИК (куркума или индиски шафран)
Турменик е традиционален индиски и кинески зачин. Антиоксидансите играат клучна улога за спречување на оштетување на клетките.
„Целта на детоксикацијата е да се поттикнат и разработат органите кои треба да ги елиминираат отровите и да му овозможат на организмот нормален развој“, вели нутриционист Ешли Полсон.
Лажичка од овој зачин понекогаш прави чуда.
ЛИМОН
Не ја потценувајте моќта на лимонот. Тој е вреден да се конзумира во секоја форма и за различни цели. Можете да го пиете исцеден, а можете да искористите и кората кога ќе ја изрендате.
ЛУК
Без дилема го зајакнува имунитетот, срцето, помага при „чистење“ на телото. Додадете две или три чешниња за ручек.
ЈАБОЛКА
Цела година можете да јадете јаболка. Тие се преполни со влакна, пектин и лесно го чистат дигестивниот тракт од неизбежните отрови.
ЦВЕКЛО
Во цвеклото има многу пигменти и антиоксиданси кои ја подобруваат функцијата на црниот дроб и општо ја подобруваат крвната слика.
Најчесто се јадат корењата, но, лисјата исто така не треба да ги игнорираме, бидејќи тие се вистинска витаминска бомба.
БРОКУЛИ
Кога се вари брокулата, се ослободуваат материи од суштинско значење за детоксикација на лошиот естроген што се акумулира во телото. Задолжително конзумирајте ја секојдневно.
ШПАРГЛИ
Овој пролетен зеленчук е богат со растителни влакна, витамини, минерали и антиоксиданси. Не го гответе премногу, најдобро е кога ќе ги зготвите на пареа за да се зачуваат сите хранливи состојки.
БОРОВИНКИ
Ова мало овошје има три клучни антиоксиданси: антоцианидинс, ресвератрол и елагична киселина.
