Кога ќе почне сезоната со вируси и грип, бидете сигурни дека сите во куќата редовно ги мијат рацете, бидејќи тоа значително ја спречува можноста од зараза...



Обичната настинка, различни вирусни болести, грип, инфективна дијареа, заразна жолтица, па дури и менингитисот, се пренесуваат преку допир, а за тоа најголеми виновници се валканите раце.

Соодветно миење

Англиски професор советува дека за време на епидемија децата темелно ги мијат рацете. По правило требало да ги мијат рацете се додека на ја отпеат два пати роденденската песна „Happy Birthday to you...“.

Важно е внимателно да се насапунат рацете, а потоа да се измијат сите делови на рацете и под ноктите.

За бришење на рацете најдобро е децата да користат марамици, бидејќи на влажните крпи остануваат микроорганизми.

Пренесување на зараза

Рацете се како "расадници" на микроорганизми, кои не се пренесуваат само преку уста или дигестивниот систем, туку и преку дишните органи преку допирање на носот, триење на очите, гребнатини, рани и слично...

Микроорганизмите се наоѓаат на различни површини, предмети, кај животните и кај луѓето, во храна и пијалоци, а токму таквите бактерии и вируси кои се наоѓаат на кожата на рацете се нарекуваат транзиторни микрофлори.

Постојат и оние микроорганизми кои трајно живеат на кожата на човекот. Тие се нарекуваат резидентни микрофлори, но, тие се многу корисни за нашата кожа, бидејќи не штитат од „лошите“ микроорганизми.

Затоа, кога се заштитувате од вирус не одете до крајности со комплетна стерилизација на детската кожа, бидејќи така ќе ослабне имунитетот и ќе доведе до уништување на корисните микроорганизми.

Спречете ширење на вируси

Ширењето на вируси може да се спречи со едноставни мерки: научете ги децата да не ги тријат носот и устата со голи раце кога киваат или кашлаат, туку со марамица, која потоа треба да ја фрлат.

Ако имаат треска не треба да одат на градинка или училиште.