Ако имате прекумерна телесна тежина, можеби не се работи за ваша недисциплина во исхраната, туку сте наследиле таков ген од вашите предци...



Меѓутоа, иако го знаете ова, сепак треба да обрнете внимание, бидејќи поради дебелината може да ви се појави голем проблем, односно болести.

Истражувањето спроведено од страна на Универзитетот во Оксфорд опфатило 2000 луѓе со дијабетес тип 2, а резултатите покажуваат дека кај нив е присутен и FTO генот. Луѓето што го имаат овој ген имаат 70% поголема веројатност за да добијат прекумерна тежина. FTO генот се јавува кај секој шести човек.

Добиените резултати се потврдени од најновото истражување спроведено на 38.759 Англичани, Финци и Италијанци, кои покажуваат дека телесната тежина зависи од еден или два примерока од FTO генот. Луѓето со два примерока од генот просечно имаат 3-5 килограми повеќе, а луѓето со еден примерок на генот имаат 1-2 килограми повеќе тежина во споредба со оние што немаат FTO ген.

Прекумерната тежина е главна причина за срцеви заболувања, рак и дијабетес тип 2, а здравствените работници предупредуваат дека ова станало поголем здравствен проблем и од пушењето и алкохолот.