Високото ниво на хормонот за глад, грелин, има антидепресивен ефект, тврдат американски истражувачи...



Тие објаснуваат дека празниот стомак го ослободува овој хормон во крвта, што на мозокот му испраќа чувство за глад.

Во најновото истражвуање на д-р Џефри Зигман и колегите го ограничиле внесувањето на храна на лабораториски глувци до 10 дена, што предизвикало двојно да им се зголеми хормонот за глад. Во споредба со глувците што имале слободен пристап до храна, глувците со намалено внесување на калории со специјални тестови покажале пониско ниво на анксиозност и депресија.

Тимот проучувал и заморчиња - генетски модифицирани, за да не можат да реагираат на грелин. Кога биле на исхрана со ограничено внесување на калории, не го почувствувале истиот ефект како нормалните животни. Глувците не можеле да реагираат на грелин, имале повеќе симптоми на депресија за разлика од нормалните глувци.

„Нашето истражување кај глувците укажува дека хроничната изложеност на стрес предизвикува зголемување на нивото на хормонот грелин. Однесувањето поврзано со депресија и анксиозност полека исчезнува кога нивото на хормонот расте“, рекол д-р Зигман, додавајќи дека единствената непожелна нуспојава е зголемување на храната што ја конзумираме и зголемување на телесната тежина.