Спортскиот научник Рос Едглеј (28) докажал дека брзото губење на тежината е сепак возможно...

Меѓутоа, предупредил дека овој екстремен експеримент е опасен.

Рос докажал дела за 24 часа може да ослабнете 10 килограми, се разбира, со личен пример. Наведува дека довербата не смее да биде загрозена со она што го гледате на вагата кога ја мерите вашата тежина.

„Се надевам дека мојот експеримент ќе создаде здрав однос помеѓу луѓето и вагата. Менувањето на тежината за краток период зависи од многу фактори, а не само од мастите“, напишал Рос на својот блог.



За време на 24 часа, Едглеј не конзумирал воопшто јаглехидрати, сол или течности, цел ден бил облечен во костим за потење, одел во сауни и сеизбањал со врели купки, кои се користат за извлекување на течноста од телото.

Внесувал и диуретици, витамин Ц и кофеин. На денот на експериментот Рос испил само 100 милилитри вода и отишол 20 пати да мокри.

Рос има убаво објаснување за тоа што се случило за тие 24 часа.



„50% од телото е вода. Значи, од моите 95 килограми, имам 47,5 килограми вода. Но, водата е од суштинско значење за функционирање на виталните органи, затоа експериментот без внесување на течности е потенцијално смртоносен“, рекол Рос и ги предупредува луѓето да не го користат неговиот метод, особено без консултација со лекари.

Она што ќе ги разочара многумина од вас е фактот што за само два часа ја повратил неговата тежина. 10-те изгубени килограми не се масти, туку вода.