Кога станува збор за губење на тежината и здравата исхрана, лебот се смета за најголемиот непријател на нашето тело...



Кампањата наречена „The slice of life“ (Парче од животот), објаснува дека таквото мислење е сосема погрешно.

Повеќето луѓе го поврзуваат лебот исклучиво со јаглехидрати, од кои се здебелуваме. Но, ова е многу стара и вкусна храна, многу поздрава и повредна отколку што се мисли.

Важно е да знаеме дека не е здрав секој леб. Ова најмногу се однесува на белиот леб, како и оној полн со адитиви, кои најлесно ги наоѓате во продажба.

Кога зборуваме за здрав и убав леб, направен целосно од пченично и 'ржено брашно, тогаш знаеме дека станува збор за леб богат со повеќе видови на зрна и добри маснотии, како што е маслиновото масло. Таков леб печеа нашите баби.

Придобивки од лебот:

1. Освен протеини, лебот содржи и големи количини на минерали, меѓу кои и калциумот, што ги зајакнува коските.

2. Лебот содржи и железо што ни дава енергија и ја подобрува крвната слика.

3. Интегралниот леб е преполн со витамини, витамин Е и витамини од Б групата.

4. Лебот е богат и со растителни влакна, кои се многу важни за нормална работа на дигестивниот систем.