Сексот е супер, но со спортски активности сепак побрзо ќе ослабите...

Тим стручњаци за спортска медицина и сексологија во текот на една недела следеле 21 пар хетеросексуалци, на возраст од 18 до 35 години, кои на себе имале прикачен уред за мерење на потрошена енергија.

Младите парови во текот на истражувањата, кои ги спровела група научници од Универзитетот во Квебек во Монтреал, морале да трчаат 30 минути со умерено темпо, како и да имаат сексуални односи.

Студијата покажала дека мажите во текот на 30 минутно трчање трошат во просек 276 калории (или 9,2 калории во минута) а жените 213.

Во текот на 25 минутен сексуален однос, губењето на калории било драстично помало: 101 калорија (4,2калории на минута) кај мажите, а 69 кај жените.

"Водењето љубов со умерен интензитет бара повеќе енергија и напор отколку одењето со брзина од 4,8километри на час, но сепак многу помалку отколку џогирањето", рекол еден од авторите на студијата, Ентони Карелис.