Жените се чувствуваат најубави на 29, воспостави британска анкета. Иако мнозинството од дамите на оваа возраст немаат брчки и сеуште не го чувствуваат приближувањето на средната возраст, самодовербата е главната причина жените во оваа возрасна група да се чувствуваат убаво, проследено со љубов и стабилната врска...

17 % од жените на 29 години изјавиле дека се чувствуваат посигурни без шминка отколку со целосна шминка на лицето. За целите на истражувањето, кое било спроведено од козметичката марка St.Ives, научниците набљудувале дали самодовербата се зголемува или намалува во зависност од периодот од седмицата. Претставничките на понежниот пол се чувствуваат убави во петокот, така што една третина изјавиле дека се во добра форма во 10 наутро во петокот.

Над 25% велат дека се чувствуваат добро во тоа време, бидејќи спиеле добро, а една на секои осум рекла дека се смета освежена и полна со енергија. Анкетата покажува дека сонот е клучот за жените да се чувствуваат убаво, а речиси две третини изјавиле дека се сметаат за непривлечни, кога се уморни.

Речиси половина откриле дека стресот ги тера да се чувствуваат непривлечни, а 29% рекле дека присуството на друга привлечна жена ги тера да се чувствуваат не особено убави. Истражувањето покажа уште дека жените се чувствуваат убави во природниот изглед во свадбениот ден, на одмор и за време на бременоста.

Една на секои осум претставнички на понежниот пол признале дека се чувствуваат природно убави, откако имале секс, а 3 % од жените се чувствувале најатрактивни на работа. Жените, кои имаат потреба од зајакнување на самодовербата, рекле дека комплиментите од пријатели и од други жени се најефикасен начин да се ослободат од сомнежите во својата убавина.