Ве мачи грозна настинка но сеедно мора да одите на важен состанок? Послушајте ги овие неколку совети за "камуфлирање на настинката"...

1.Во оваа ситуација - коректорот е вашиот најдобар пријател. Нанесте го на подочниците, капаците и врвот на носот.

2.Заборавете на тешки пудри, подобро изберете ВВ или СС крема, или пак лесна пудра со светкави честички. Целта е да изгледате одморено и свежо.

3.Имајте при рака капки за очи, со нив ќе го отстраните црвенилото и изморениот изглед на очите.

4.На долниот дел од капакот нанесете бело или беж моливче.

5.Очите подобро ќе ви изгледаат само со малку беж сенка, но ако обожавате full make up, никако не користете топли сенки кои ќе го истакнат црвенилото и заморот. Изберете бела, сребрена или розева нијанса.

6.Уредно нанесете туш или моливче на горниот капак за да ги истакнете очите.

7.Ако немате време за миење на косата, искористете сув шампон и направете симпатична пунџа.

8.На усните нанесете лабело или нежен розов кармин.

Плус: Во чантата задолжително носете антибактериски гел за раце и меки марамчиња кои нема да ви ја излупат кожата на носот.