Долго време морковите се сметаат за корисни, но научниците открија дека тие се добри и за плодноста на мажите. Истражувачите ги анализирале последиците од овошјето и зеленчукот врз здравјето на спермата и откриле дека морковите даваат најдобри комплетни резултати...

Тие се одразуваат благотворно на способноста на сперматозоидите да стигнат до јајце клетката. Научниците од Универзитетот Харвард во САД побарале околу 200 млади мажи да се подложат на диета која содржи широк спектар на овошје и зеленчук, пред да истражуваат како тоа се одразува на спермата.

Се покажало дека жолтата и портокаловата храна се одразува добро на спермата. Според научниците, тоа се должи на пигменти наречени кератоноиди. Телото ги претвора овие супстанции во антиоксиданси кои се одразуваат добро на здравјето. Меѓу нив е бетакаротинот кој телото може да го претвори во витамин А.

Антиоксидансите помагаат за неутрализирање на слободните радикали, деструктивни група од атоми, кои се спореден производ на метаболизмот и може да ја оштетат клеточната мембрана и ДНК. Слатките компири и лубениците исто така го зголемуваат квалитетот и квантитетот на спермата, но морковите ги подобруваат перформансите со меѓу 6,5 и 8%, покажува истражувањето. Црвеното овошје и зеленчук, особено доматите кои содржат хемиски ликопен, штитат од рак, и ја спречуваат појавата на сперматозоиди со необична форма. Тие придонесувале со меѓу 8 и 10% за нормалната сперма, открија научниците.

Нивното истражување може да се покаже како многу корисно за паровите кои имаат проблеми со зачнувањето. Студијата е објавена на позадината на информации дека количеството и квалитетот на спермата се намалува во западните земји, а според некои научници средната содржина на сперма е преполовена.