Дефицитот на одредени витамини и минерали може да доведе до ментална нестабилност и насилно однесување...

Како што утврдило истражувањето во прашање е недостаток на витамините А, Д, К, Б1, Б3, Б6, Б12 и фолати, како и минералите јод, калиум, железо, магнезиум, цинк, хром и манган.

Авторите истакнуваат дека континуираната конзумација на преработена храна доведува до неухранетост, а со самото тоа мозокот не се снабдува со потребната количина на енергија.

Бројни болести се во врска со недостатокот на витамини и минерали. Исто така, недостатокот на цинк обично е проследен со агресивност, непријателско расположение и лутина.

Студиите исто така предупредуваат и на егзотоксините кои се наоѓаат во речиси секоја храна, а со внесувањето на преработена храна се таложат во организмот и влијаат на хемиските промени во мозокот делувајќи на расположението.

Авторите на истражувањето предупредуваат и на лошото влијание на нашето здравје од поединечни состојки, како што се шеќер, вештачки засладувачи, боја, кофеин, алкохол, на производите од соја и токсични елементи како жива, арсен, пестициди...

Научниците истакнале и дека е важно децата да ја добиваат соодветната количина холестерол преку храната затоа што мастите се важен извор на енергија за мозокот, а неговиот недостаток може да предизвика агресија, депресија и склоност кон самоубиство.