По години залудни напори и обиди, научниците успеаа да предизвикаат раст на косата, откако во лабараторија одгледаа клетки од кожата на влакнестиот дел на главата. Така се родија нови надежи за лекување на ќелавост, која ги засега не само мажите, туку и жените...

Во текот на повеќе од 40 години научниците залудно се обидуваа да ги клонираат фоликулите, користејќи клетки од дермисот на влакнестата покривка на главата. Постоечките третмани сепак само успеваа малку да го успорат опаѓањето, но не и да го стимулираат растот на нови влакна на главата. Друг метод што се користи, е да се земе кожа со коса од задниот дел на главата и да се прикалеми на предниот дел каде косата е целосно опадната.

Во новата студија, човечките клетки кои се одгледуваат во лабораториски услови, се реимплантират врз кожата на глувци, што овозможува да се произведат фоликулите на косата.

"Овој метод овозможува да се развие голем број на фоликули и да се регенерираат постоечките користејќи папиларна дерма од стотици донатори на коса", прецизира професорот по дерматологија во Колумбискиот универзитет во Њујорк, д-р Ангела Кристианио, која е еден од авторите на истражувањето.