Индиски научници утврдиле дека луѓето кои вежбаат јога имаат поретки напади на мигрена, а и болките се со послаб интензитет...

Истражувањето е спроведено на 72 возрасни лица кои боледуваат од мигрена, при кое учесниците биле поделени во две групи од кои едната применувала јога, а другата совети за диета.

"Јогата практикувана со вежби за дишење и опуштање, ја ублажува мигрената, напнатоста и депресијата", рекол др. П.Ј.Џон од Универзитетот Раџастан во Џајпур.

Инаку, јогата и техниките на дишење имаат опушувачко влијание на нервниот систем поради што помагаат кај разни видови на болки, како што се болки во грбот и зглобовите кај артритис.

Јогата е познат систем на вежби кои потекнуваат од Индија и стар е неколку илјади години.

Преку јогата со едноставни и ефективни вежби се подобрува подвижноста на телото, а истовремено делува на регулирање на стресот и ги зголемува ментални и духовни способности.