Негата на машката коса би можела да се спореди со одржувањето на автомобилот - доколку сакате вашиот миленик на четири тркала добро да оди, но и да блеска, мора да го негувате...

Ако знаеме дека мажот дневно губи, под нормални услови, од 50 до 100 влакна, сосема е јасно колку внимание мора да посветат на оджување на косата.

Денешниот стресен начин на живот, неправилна исхрана, здравствени проблеми, најчесто се одразуваат баш на косата. И загаденоста на воздухот, пред се поради сообраќајот, најпрво ќе ја почувствува косата.

Поради сето тоа треба правилно да ја заштитите и да ја негувате. Тоа не подразбира само редовно миење и чешлање, туку и користење на квалитетни средства, специјално креирани за машка коса.

Фризурата е личен печат на секое машко, и подеднакво е важна како и оделото кое ќе го облечете за деловен состанок или за излегување со девојката.

И најдобро облечениот човек ќе изгуби многу од својот изглед доколку неговата коса не е здрава, сјајна, негувана.