Научниците успеале да разберат кои производи треба да се избегнуваат за да ги зголемите вашите шанси за зачнување...
Истражувањата покажуваат дека секојдневната употреба на виршли, салама, сланина и други колбаси, има негативно влијание врз плодноста кај мажите.
Експертите од Универзитетот Харвард утврдиле дека при конзумацијата на преработено месо, дури и во мали количини, се менува квалитетот на спермата и затоа шансите на еден маж да стане татко се намалуваат значително.
Откритието ја потврдува тезата дека проблемите на паровите при зачнувањето се должат најмногу на начинот на живот. За тоа идните родители треба да обрнат посебно внимание на исхраната, така што ќе стават поголем акцент на зеленчукот и овошјето и ќе ги намалат цигарите и алкохолот.
