Нешто пониските температури и ветрот ја сушат кожата, поради што лесно доаѓа да напукување на усните, а кожата на рацете станува сува. Со соодветна нега може да спречите да ви се случат овие работи...

Рацете во текот на зимскиот период се најизложени на ладниот воздух, освен доколку не носите ракавици баш секогаш кога ќе излезете надвор, речиси е сигурно дека кожата на рацете ќе стане сува и испукана.

Честото миење на рацете во ладните денови помага за отстранување на бактериите и вирусите, но истовремено и ги суши рацете. Не можеме поради тоа да престанеме да ги миеме рацете, но важно е паметно да го избираме сапунот- благ и масен или некој од оние кои во себе содржат различни масла. Кога станува збор за кремата за раце, препорачливо е во овој период да се користат помасни креми и да се нанесуваат после туширање, кога кожата е чиста.

Кога ќе дојдат ладните денови, сушењето на усните станува често, а неретко се случува на нив да се создадат и рани. За да ја спречите оваа појава, важно е да внесувате доволни количини течност. Помага и честото нанесување балсам за усни или кармин со заштитен фактор. Потрудете се и никако да ги оближувате усните, затоа што така само ја влошувате ситуацијата.

Внимание треба да посветите и на кожата на лицето, која иста така се суши. Се препорачува користење на пилинг на основа на млечна киселина, која ќе ја хидратира кожата и ќе ја задржи влагата за подолго време, а одговара во основа на сите типови кожа. Јаките тоници за лице кои се користат во летните денови, заменете ги со благи, на база на глицерин.