Малку маскара и сјај за усни се доволни за секојдневниот живот. Најдобро е да се држите до својата природна убавина, сепак некогаш сакате да блеснете со неа, а не со маскирано лице од шминка. Но има ли разлика колку и каква шминка користите? Што мислат луѓето за жените кои користат шминка?...

На овие прашања може најдобро да одговорат мажите. Нивното мислење е важно за жените. Затоа и американски и британски психолози направиле експеримент во кој учествувале само мажи .

Требало да разгледаат фотографии на жени со различно количество шминка, а потоа да ги оценат според неколку критериуми - доверба, интелигенција, убавина.

Резултатите биле прилично јасни и изненадувачки. Интересно е дека колку повеќе козметика и шминка користела една жена, толку мажите ја оценувале како попривлечна и поубава.

Кога станува збор за доверба, сепак, мажите им веруваат помалку на шминканите дами. Можеме да ја направиме следнава констатација: премногу шминка не инспирира особено доверба кај посилниот пол, за сметка на тоа убавината излегува на преден план и остава впечаток.

Друг интересен факт е дека колку еден човек гледа повеќе време една слика на нашминкана жена, толку таа му се чини попривлечна и убава. Односно според мажите нашминканата жена изгледа покомпетентна од другите жени, кои се без шминка. Ова е докажано научно од психолозите на Харвард.

Каков е заклучокот од сите приказни напишани погоре? Со или без шминка убавата жена не може да биде незабележана, па затоа, едноставно бидете свои.