Намалувањето на конзумирањето на чоколадо води до дебелеење, а не до слабеење, покажа новото истражување. Тоа покажа дека 86% од луѓето кои се стремеле да ги намалат килограмите и продолжиле да уживаат во своето омилено лакомство, ослабеле успешно...

91% од анкетираните 2.100 мажи и жени, кои симнале најмногу килограми, продолжувале да го јадат истото количество чоколадо што го консумирале вообичаено пред да почнат со диета. "Широки истражувања открија дека диетите, концентрирани околу елиминацијата на храна е многу поверојатно да пропаднат. Клучот е во перцепцијата на порелаксираниот пристап и конзумирање на мали количини на храна која ви се допаѓа", вели Нутриционистот Џенет Ејлот.

Претходните истражувања открија дека целосното исклучување на храна како чоколадо, вино и бисквити често е поврзано со качувањето на килограми, бидејќи тие се компензираат од конзумирањето на многу други јадења. Една студија дури покажа дека 65% од луѓето кои се откажале од сите лакомства, всушност качиле килограми.

Има уште една среќна вест за љубителите на чоколадото, бидејќи посебна студија покажа дека тоа помага за подолг живот. Научници од Универзитетот Харвард проучувале 8.000 мажи во период од 65 години и утврдиле дека оние кои земале мали количини чоколадо до три пати месечно, живееле со речиси една година повеќе од оние кои не конзумирале никакво чоколадо.

Причината веројатно се должи на фактот дека какаото содржи антиоксиданти наречени полифеноли, кои се среќаваат и во црвеното вино, кои ја спречуваат оксидацијата на штетниот холестерол. Антиоксидансите штитат и од рак.